NIRE FANTASIA KABARETA. Andoni Mutiloa

Andoni Mutiloa sortzailearen azken lana “kontzertu itxura duen kabaret bat” da. Pertsona bakarreko kabareta. Andoni Mutiloa bera da bakarra eszenan eta haren txikitako ametsak ditu abiapuntu.

“Txikitan oso argi neukan: handia izaterakoan aktore eta abeslari izango

nintzen. Baina kazetaritza ikasi nuen eta horixe izan da nire lanbidea ia 20

urtez”, aitortzen du apalatasun handiz.

Bizitza buelta asko ematen ditu eta sortzailea “zaurituta dagoen flamenkoa” sentitu arren, “hegan egitea erabaki du orain”.

Kabaret honek gure bizitzako ametsei buruzko gogoeta sustatzeaz gain, bestelako gaiak eta mezuak azalerazten dira: fantasiaren eta errealitatearen arteko talka, lan finko bat izateak gure gizartean duen garrantzia, LGBTI+ kolektiboaren aldeko aktibismoa eta artista izatearen argi-ilunak.

Musikari dagokionez, 80ko hamarkadako synth-pop estiloko kantuak dira, baina gaur egungo garaietara egokituta. Hitzak eta melodiak Andoni Mutiloak berak idatzi ditu.