Deskribapena
Zuzendaritza: Natalia Menéndez
Aktoreak: Mikel Losada, Ione Irazabal, Miren Gaztañaga eta Arnatz Puertas
Euskarara egokitzea: Kepa Errasti
Arriaga Antzokiaren ekoizpen berri honek, Loraldia bidaidea izanik, XX. mendeko Estatu Batuetako teatro lan klasiko bat euskarara ekarri du. “Kristalezko Zooa” Tennessee Williams dramaturgoaren lehen antzezlana izan zen. Ipar Amerikako errealismo psikologikoaren aitzindari dugu Williams, hegoaldeko gizarte dekadente eta itogarriaren lekuko. Sakontasun zorrotz handiz islatzen jakin zuen mundu anker eta gaizto horretako desamodioa eta arraza-errepresioak. Lan honek hainbat aitorpen jaso zuen: New Yorkeko Antzerki Kritikarien Zirkuluaren Saria eta antzerkiaren Pulitzer saria, besteak beste.
Arriaga Antzokiak Natalia Menéndez aukeratu du Williamsen teatro lana gaurko garaietara ekartzeko. Euskarazko ekoizpena bideratzeko Kepa Erraztiren eskuetan izan da. Gaur egun, guk ulertzen dugun askatasunetik abiatzen da moldaketa hau. Kontua ez da bestelako istorio bat sortze, baizik eta istorio berri bat proposatzea.
*Arriaga Antzokiaren ekoizpena da, Loraldia bidaidea izanik.
